விசித்திரக்கவி

வாழ்க்கை என்கிற வரவு செலவு கணக்கில் நான் நித்தம் செலவாகிறேன்... என் பெயரில் வரவு என்பதெல்லாம் வட்டி கணக்குகள் -இது குட்டியிடும் கணக்குகள்... கழித்து கழித்து கிழிந்து போகிறேன் கொஞ்சம் கலைந்து கலங்கி காணாமலாகிறேன்... கூட்டத்தான் பார்க்கிறேன், கூட்டத்தின் நடுவே நானே கூடிக்கொள்கிறேன் இங்கே வகுக்கப்படுகிறேன்... தினம் தினம் வட்டிக் கணக்குகளை விட வசை கணக்குகளே-என்னிடம்  அதிமாகும் சகிதம்... பெருக்கல் கணக்குகள் பெருக்கும் போதெல்லாம் சுருக்கும் கணக்குகளாய் சுருங்கி போகிறேன்... விதி கணக்கும் - கூட  சதிக் கணக்காய் மாறி சற்றே சதிராடும், என்னிடம்  கொஞ்சம் புதிர் போடும்... இத்தனை கணக்கு போட்டும் விடை புஜ்ஜியம், அதுவே என் ராஜியம்...             ✍️விசித்திரக்கவி