இறைவா நீ வா...

-
இறைவா நீ 
இருக்கிறாயா...? 

நீயே தான் 
இறைவா இருக்கிறாயா...? 

அங்கே என்ன 
தேடுகிறாய்... 

இன்னும் ஏதேனும் 
புதிய சோதனை இருக்கிறதா...? 

அந்த சோதனையில் 
தரத்தில் இன்னும் பாவமா 
போதும் போதும்... 

இதோ  பார் 
குப்பை தொட்டியில் 
குழந்தையின் குரல்
கேட்கிறதா உனக்கு...

கண்கள்  இருக்கிறதா உனக்கு... 
அப்படியே இருந்தும் 
கருவறைக் குள்ளே 
கற்புகள் சூறையாடப்படுவதை 
கண் கொட்டாமல்  ரசிக்கிறாயோ... 

ஊருக்கே  உதவியவன் 
ஊருக்குள் ஆண்டியாக ஆகலாமா... 
கொடுத்து சிவந்த கரங்கள் 
சீல் வடியலாமா... 

பள்ளி அறையில் 
பிஞ்சுகளை மஞ்சமிட வைத்து 
மதயானை போல் 
மண்மேலே திரிவது நியாயமா...

உழவனே ஒருபிடி 
சோத்துக்கு சகலமா... 
செத்து செத்து 
அவன் சரிந்து போகலாமா... 

தவறு செய்தவன் 
தப்பிக்கிறான் அதை 
தட்டி கேட்டவன் 
தரமாக தண்டிக்கப்படுகிறான்... 

நாக் கெல்லாம் 
கொடும் நாகங்களாக மாறி 
நெஞ்சத்தில் நஞ்சினை 
கக்கிகக்கி நொந்ததை 
காணலையோ நீ... 

ஈர மண்ணிலே 
இன்னும் ஏனடா 
இடி மேல் இடி 
விழ காரணம்... 

பத்தினியோ பைத்தியம் போல் 
பத்திய மிருந்தும் 
பாழாய் போன 
உலகம் வேசி
பட்டம் கட்டுவதோ... 

உனை அழைத்து 
அழைத்து அழுதது போதும்... 
உன் தொழில் மறந்து 
கல்லாய் போனாயோ... 

நீ வராது போனால் 
காலனை அழைப்பேன் ... 
அவன் காட்டும் 
கருணையில் சில  
நல்ல உள்ளங்கள் 
நிம்மதியாக உறங்கட்டும் 

நிம்மதி நிம்மதி 
என்பதெல்லாம் சமாதியில் தானோ... 


                  ✍️விசித்திரக்கவி 







 

Comments

  1. Sherlin wonderlandDecember 22, 2020 at 7:19 PM

    இவ்வளவு
    சோதனைகளையும்
    மனிதன் சகித்துக் கொண்டு தாங்கிக் கொள்வதால் தான்.
    இன்னும் இன்னும் ௮திக துன்பங்கள் நம்மை தாக்குகிறது.

    ReplyDelete

Post a Comment

வாசகனும் வாசகியும் தருகிற கருத்து என்னும் மூச்சிக் காற்றில் தான் இந்த படைப்புகள் சுவாசிக்கும் ...
உங்கள் கருத்துகள் மூலம் உயர் கொடுங்கள் ...

Popular posts from this blog

கடைசி கண்ணீர் துளி...

-
Image
(சிலருக்கு மட்டுமே பொருந்தும் ) தேடித் தேடி தீர்ந்து போகுதே என் கண்ணீர் தீர்ந்து போகுதே... இமைகளை விட்டு நீ எங்கே வெறுத்து போனாயோ - அதை  விற்றுப் போனாயோ... இமயம் தெரிந்ததென இளமை தீருமென இடையே விட்டு இளையவளே போனதென்ன புதுசுகம் வந்ததென பூமணம் அழைத்ததென என் புன்னகையோடு உன் பெண்நகையும்  அழிக்கப் போனாயோ... விளக்கு ஏத்தியவளோ விலகி போகலாமா விலக்கி போகலாமா ஆசைக்குதான் போகலாமா... பால்மணம் கண்டவள் பால்மனம் காணலையோ பால் நிலவே -நீ  பாழாய் போகலாமோ  உண்ண குறையா உடுத்த குறையா உறவிலே குறையா உணர்விலே குறையா என்னடி வைத்தேன் -நான்  என்னடி வைத்தேன் நீ வைத்ததை யெல்லாம் வாடாமலாடி வந்தேன்  சொல்லடி சொல்லடி சீமையிலே இல்லாத கருப்பட்டி கண்ணழகி காஞ்சிப் பட்டழகி...                    ✍️விசித்திரக்கவி
Read more

ஐயனே...

-
Image
அப்பனே... ஆருரானை ஆட்கொண்ட அறிய அருளே அப்பரின் அன்பனே சுந்தரனே சதாசிவா... இப்பிறவியில் இல்லாத பொல்லாத பிழையெல்லாம் கொள்ளாத அளவு அறிவிழந்து செய்தேனே... உள்ளம் வேகுதே-உன் கருணை தேடுதே சிவசிவா என்கிறேன் சீக்கிரம் வாருமையா... வெண்நிற விடையேறி பித்தனே பித்தனெனை சித்தனென சிந்தை தெளிய நாதனே நல்லருள் புரிவாய்... நாயகனே நாயினன் நானே அம்பலத்தானே என்னையாக்கியது நீதானே நஞ்சனே நாகம் கொண்ட பிஞ்சனே பிதற்றுகிறேன் நானே... ஐயனே அல்லும் பகலும் எனை ஆள்பவனே அடி நெஞ்சில் ஆழ்ந்தவனே அடியாரின் ஆண்டவனே... காட்சிகள் ரெண்டினை கண்டேன் கரமொன்றை நள்ளிரவில் கொண்டேன் நந்தியினை நாதனெனே நானும் நெஞ்சினிலே அடைத்தேன்... சிவாயநம... சிவாயநம... சிவசிவ என்றேன் அபயமென உபயம் தந்தான் உள்ளமெல்லாம் தேனூற தேவனே ஜீவனானான்...                  ✍️விசித்திரக்கவி 
Read more

விசித்திரக்கவியின் அறிமுகம்

-
Image
    விசித்திரக்கவியின்                       கவித் துளிகள்...       அறிமுகம்           எ ன் முத்தமிழோடு அறியா வயதில் எழுத்தாணிக் கொண்டு வெள்ளை காகிதங்களில் நான் போட்ட துள்ளல் விளையாட்டுகள்... பிழைகள் இருப்பின் தமிழ் கற்ற சான்றோர்கள் அறியா சிறுவன் இவன் தமிழோடு கற்று கைவீசி விளையாட வந்துள்ளான் என நினைத்து கொஞ்சம் விளையாட்டை ரசித்து உங்களின் கனிவான கனிந்த சிந்தனைகளை கொஞ்சம் எனக்கும் கற்பித்துச் செல்லுங்கள் ...                            த மிழோடு விளையாட விதி செய்த என் அன்னை முதல் அறிவுசார் ஆன்றோர் அகில மாந்தர் அனைவருக்கும் என் அன்பு கலந்த கோடான கோடி நன்றிகளோடு என் வணக்கத்தையும் உரித்தாக்கி கொள்கிறேன் ...     என்றும் தமிழோடு நான் விளை...
Read more